Marathi Mhani:- Marathi Sayings and Their Meanings Sayings in Marathi Marathi Grammar i.e. Sayings are very important in English. There are various types of proverbs, and the meaning of proverbs can be asked while studying for the exam. Also, questions such as identifying proverbs, completing the sayings, and using them in sentences are also asked. For this, it is necessary to understand all the proverbs known in the Marathi language and their meanings, Marathi mhani v tyanche arth, Marathi mhani pdf, Marathi mhani ani arth, Best Marathi Mhani List. In today’s post, all Marathi sayings and their meanings are given in Marathi Mhani with Meaning.
Advertisement
Marathi Mhani | मराठी म्हणी
Mhani In Marathi :- मराठी म्हणी व त्यांचे अर्थ मराठी मराठी व्याकरण मध्ये म्हणी म्हणजेच इंग्रजी मध्ये Sayings खूप महत्वाच्या आहेत. म्हणी मध्ये विविध प्रकार आहेत परीक्षे चा अभ्यास करताना म्हणीचा अर्थ विचारला जाऊ शकतो. तसेच म्हणी ओळख, म्हणी पूर्ण करा, वाक्यात उपयोग करा असे प्रश्न सुद्धा विचारले जातात. यासाठी मराठी भाषेमध्ये ज्ञात असलेल्या सर्व म्हणी आणि त्यांचे अर्थ समजून घेणे आवश्यक आहे. आजच्या या पोस्ट मध्ये मराठीतील सर्व म्हणी व त्यांचा अर्थ Marathi Mhani with Meaning दिले आहेत.
- म्हणी म्हणजे काय तर सत्य परिस्तिथी कथन करण्यासाठी वापरलेलं मार्मिक वाक्य जे वारंवार वापरले जाऊ शकते .
- हि वाक्य म्हणजेच म्हणी पारंपरिक पद्धतीने खूप अगोदर पासून वापरली जातात ज्या मध्ये वेगवेगळे प्रकार आहेत .
- जसे कि एखाद्याचा स्वभाव दाखवण्यासाठी वापरलेली म्हण उदाहरणार्थ :जित्याची खोड मेल्याशिवाय जात नाही .
- त्याचबरोबर ,वाईट काळ दाखवणार्या, विनोदी म्हणी, वैचारिक म्हणी अशे प्रकार ह्या मध्ये आहेत.
Advertisement
Read More:- 1500+ Samanarthi Shabd Marathi PDF Download | मराठी समानार्थी शब्द
All Marathi Mhani
Marathi Mhani List PDF :- मराठी मध्ये अनेक म्हणी प्रसिद्ध आहेत. त्या म्हणी आपल्या दैंनदिन आयुष्यात वापरल्या जातात. आपण अश्याच काही प्रसिद्ध म्हणी आणि म्हणी चा अर्थ बघणार आहोत. ह्या Best Marathi Mhani List PDF चा उपयोग करून तुम्ही सर्व म्हणी चे अर्थ जाणून घ्या.
Marathi Mhani With Meaning List PDF
| Sr. No. | मराठी म्हण | म्हणीचा अर्थ |
|---|---|---|
| 1 | हातावर तुरी देणे | एखाद्याच्या कचाट्यातून सुटणे |
| 2 | हातच्या कंकणाला आरसा कशाला | उघड सत्य हे केव्हाही खरे करता येऊ शकते |
| 3 | हात दाखवून अवलक्षण | उगाचच विविध गोष्टी मागे धावून हसे करुन घेणे |
| 4 | सरकारी काम अन बारा महिने थांब | काही कामं नेहमी विलंबाने होत असतात, त्या साठी धीर देणे योग्य |
| 5 | समुद्रामाजी फुटकें तारू | चांगल्या गोष्टींबरोबर वाईट गोष्टी पण असतात |
| 6 | वाळूचे कणही रगडीता तेलही गळे | कठोर परिश्रमामुळे कोणतीही गोष्ट साध्या होऊ शकते |
| 7 | राम कृष्ण आले गेले तरीही जग का चालायचे थांबले | व्यावहारिक बाबी कुणासाठीही थांबत नाही |
| 8 | भित्यापाठी ब्रह्म राक्षस | भित्रा माणूस सदैव कोणत्याही छोट्या गोष्टींना घाबरतो. |
| 9 | बाप दाखव नाही तर श्राद्ध कर | कोणत्याही गोष्टीचा पुरावा मागणे |
| 10 | नाव सगुणी अन करणी अवगुणी | नावाप्रमाणे न राहता वाईट कृत्य करणे |
| 11 | नर का नारायण बनणे | कर्म करून उच्च होणे |
| 12 | नकटे व्हावे पण धाकटे होऊ नये | छोट्या व्यक्तींना नेहमी कामे सांगितली जातात |
| 13 | दोन डोळे शेजारी, भेट नाही संसारी | जिवलग दोन व्यक्तींची भेट जवळ असूनही न होणे. |
| 14 | अंगाचा तीळ पापड होणे किंवा अंगाची तलखी होणे किंवा अंगाची लाही लाही होणे | खूप संतापणे |
| 15 | अक्कल खाती जमा | नुकसान होणे |
| 16 | अडला हरी गाढवाचे पाय धरी | अडचणीच्या वेळी मूर्खाचीही मनधरणी करावी लागते |
| 17 | अति तेथे माती | कोणत्याही गोष्टीचा अतिरेक झाल्यास काम बिघडते |
| 18 | असंगाशी संग प्राणाशी गाठ | अयोग्य माणसाची सांगत धरल्यास प्राणही जाऊ शकतो |
| 19 | आंधळी पाण्याला गेली अन घागर फोडून घरी आली | अक्षम व्यक्तीस काम दिल्यास ते तडीस जाणे कठीण असते |
| 20 | आठ पुरभय्ये अन नऊ चौबे | जमत नसल्यास सगळ्यांची चूल वेगवेगळी असते |
| 21 | आपण शेण खायचं अन दुसऱ्याच तोंड हुंगायच | स्वतः वाईट कर्म करायचे अन दुसऱ्यावर संशय घ्यायचा |
| 22 | आयत्या पिठावर रेखोट्या मारणे | कोणतेही काम न करता दुसर्‍याच्या जिवावरउपभोग घेणे |
| 23 | उंच वाढला एरंड तरी हो‌ईना इक्षुदंड | छोट्या गोष्टी मोठ्यांशी बरोबरी करू शकत नाही. |
| 24 | उथळ पाण्याला खळखळाट फार | अर्धवट ज्ञान असणारा व्यक्ती उगाच ज्ञानप्रदर्शन करतो |
| 25 | उस गोड लागला म्हणून मुळासकट खाऊ नये | एखाद्या चांगल्या गोष्टीचा ती नष्ट होईल एव्हढा उपभोग घेऊ नये. |
| 26 | एकाने गाय मारली तर दुसऱ्याने वासरू मारू नये | एकाने वाईट गोष्ट केली तर आपल्यालाही वाईट गोष्ट करण्याचा हक्क पोहोचत नाही |
| 27 | एकावे जनाचे करावे मनाचे | सर्वांचे विचार एकूण आपला स्वतःचाच निर्णय घ्यावा |
| 28 | ओसाड रानात एरंडाचा उदो उदो | अशिक्षित गावात कमी शिकलेला हुशार विद्वान ठरतो |
| 29 | कडू कारले तुपात तळले,साखरेत घोळले तरी ते कडू ते कडूच | वाईट व्यक्तीची वाईट सवय कधीही जात नाही |
| 30 | कळते पण वळत नाही | चांगल्या गोष्टी कृतीत आणता येणे कठीण असते |
| 31 | कोंबड झाकलं तरी तांबड उगवल्या शिवाय राहत नाही | सत्य कधीही लपवू नाही. |
| 32 | घरात घाण दारात घाण कुठे गेली गोरीपान | काम न करता फक्त दिखाउपणा करणे |
| 33 | चोराच्या मनात चांदणे | वाईट व्यक्ती कायम कुटिल डाव रचण्यात मग्न असते |
| 34 | जसा भाव तसा देव | आपली जशी श्रध्दा असेल त्याप्रमाणे आपल्याला फळ मिळेल. |
| 35 | जो खाईल आंबा तो सोशेल ओळंबा | एखाद्या गोष्टीचा लाभ घेताना त्याचे दोष स्वीकारावे लागतात |
| 36 | दमडीची नाही मिळकत आणि घडीची नाही फुरसत | रिकामटेकडा माणूस आपण खूप व्यस्त आहे असे दर्शवितो. |
| 37 | दहा गेले पाच उरले | आत्मविश्वास कमी होणे. |
| 38 | दुध पोळलं की ताक फुकून प्यावे | एखादा अवघड प्रसंग सोसल्यावर पुढे काळजी घेणे |
| 39 | देणं न घेणं आणि कंदिल लावून येणं | उगाचच एखाधाची खोड काढणे. |
| 40 | पहिले पाढे पंचावन्न | भरपूर समजावुन सुद्धा वाईट वागण्यात बदल न होणे |
| 41 | यज्ञास बळी बोकडाचा | दुर्बळ व्यक्तीला कठीण काम करण्यास सांगणे |
| 42 | शेरास सव्वाशेर | प्रत्येक वाईट माणसाला त्यापेक्षा वरचढ माणूस मिळतोच |
| 43 | हा सूर्य आणि हा जयद्रथ | पुराव्यासहित सिद्ध करणे |
| 44 | वाऱ्यावरती वरात काढणे | स्वतः नियोजन न करता दुसऱ्यावर विसंबून महत्त्वाचे काम करणे |
| 45 | वड्याचे तेल वाग्यांवर | एका गोष्टीचा राग दुसऱ्यावर काढणे |
| 46 | वाचाल तर वाचाल | शिक्षण घेतले की तरच प्रगती होऊ शकते |
| 47 | बडा घर पोकळ वासा | श्रीमंत असण्याचा आव आणणे |
| 48 | पी हळद आणि हो गोरी | उतावीळ होणे |
| 49 | नावडतीचे मीठ अळणी | नावडत्या व्यक्तीने केलेली कोणतीही गोष्ट न आवडणे . |
| 50 | नव्याचे नऊ दिवस | नवेपणा असतानाचे कौतुक नंतर टिकत नाही |
| 51 | दिसतं तस नसतं म्हणून जग फसतं | दिखाऊ गोष्टी या कायम तकलादू असतात, मुळात वेगळेच काही असते. |
| 52 | तेरड्याचा रंग तीन दिवस | एखादे काम थोडे दिवस जोरात चालून एकदम बंद पडणे |
| 53 | ज्याची मिळते पोळी त्याची वाजवावी टाळी | आपल्या मालकाचे गुणगान करणे |
| 54 | जावयाचं पोर हरामखोर | माणसाचा स्वभाव आपल्या स्वार्थ साधण्यासाठीचअसतो . |
| 55 | चोर तो चोर वर शिरजोर | स्वतः चोर असून आणखी जास्त चढेलपणाच्या गोष्टी सांगणारा |
| 56 | घोडा मैदान जवळ असणे | परीक्षा लवकरच होणे |
| 57 | गाव करी ते राव न करी | एकीचे बळ एकट्या माणसाच्या कामाच्या तुलनेत जास्त असते |
| 58 | खिळ्यासाठी नाल गेला अन नालीसाठी घोडा | व्यवस्थित नियोजन नसल्याने खूप नुकसान होणे |
| 59 | खायला कोंडा निजेला धोंडा | खूप गरिबी असणे |
| 60 | क्रियेविण वाचाळता व्यर्थ आहे | अधिक बोलण्या पेक्षा काम करणे चांगले असते |
| 61 | कुठे राजा भोज कुठे गंगुतेली | ताकतवान माणूस आणि दुर्बळ यांची तुलना होऊ शकत नाही |
| 62 | करवंदीच्या जाळीला काटे | चांगल्या वस्तूबरोबर वाईट गोष्टींचा सामना करावा लागतो |
| 63 | एका हाताने टाळी वाजत नाही | दोष दोन्हीकडे असतो |
| 64 | एक पाय मोडल्याने गोम लंगडी होत नाही | एक काम न भेटल्याने मस्तच आयुष्य संपत नाही . |
| 65 | उद्योगाचे घरी रिद्धी सिद्धी पाणी भरी | उद्योगी मनुष्य जीवनात यशस्वी होतो |
| 66 | उठता लाथ बसता बुक्की | कायम धाकात ठेवणे |
| 67 | उचलली जीभ लावली टाळ्याला | बेताल बोलणे |
| 68 | आठ हात लाकुड, नऊ हात धलपी | एखाद्या गोष्टीची फारच स्तुती करून सादर करणे |
| 69 | आंधळ्याची बहिऱ्याशी गाठ | एकमेकांना मदत न करणाऱ्या व्यक्ती जवळ येणे |
| 70 | अडाण्याची गोळी भल्यास गिळी | अशिक्षीत माणूस कोणालाही अडचणीत आणू शकतो |
| 71 | आकांक्षापुढती गगन ठेंगणे | आशावाद ठेवल्यास कोणतेही लक्ष्य साध्य होते |
| 72 | आंधळीपेक्षा तिरळी बरी | एखादी बाब अगदीच वाईट स्वीकारण्यापेक्षा थोडी दोष असलेली गोष्ट स्वीकारणे |
| 73 | अडला नारायण गाढवाचे पाय धरी | बलाढ्य व्यक्ती गरजेच्या वेळी सामान्य माणसाकडे मदत मागणे |
| 74 | अठरा विश्वे दारिद्र असणे | अत्यंत गरिबी असणे |
| 75 | अगं अगं म्हशी, मला कुठं नेशी? | एकाच्या चुकीसाठी इतर लोकाना दोष लावणे |
| 76 | अक्कल नाही काडीची म्हणे बाबा माझे लग्नं करा | क्षमता नसताना एखाद्या गोष्टीचा हट्ट करणे. |
| 77 | हपापाचा माल गपापा | अती हव्यासाने असलेली श्रीमंती ही नष्ट होते |
| 78 | हत्ती होऊन ओंडके, मुंगी होऊन साखर खाल्लेली बरी | मोठेपणा न मिरवता छोटे होऊन आपले काम परिपूर्ण करणे सुखी आहे |
| 79 | शुध्द बीजापोटी फळे रसाळ गोमटी | संस्कारी कुटुंबात चांगल्या व्यक्ती असतात |
| 80 | शितावरून भाताची परीक्षा | फार थोड्या नमुन्यावरुन मोठ्या वस्तूंची चाचणी करणे |
| 81 | विंचवाचे बिहाड पाठीवर | फिरत्या माणसाचा ठाव ठिकाणा लागणे कठीण |
| 82 | लहानपण देगादेवा मुंगी साखरेचा रवा | मोठे असण्या पेक्षा लहान होऊन सुखी राहणे चांगले |
| 83 | लहान तोंडी मोठा घास | छोट्या व्यक्तीने आवाक्या बाहेरच्या गोष्टी करणे |
| 84 | भरंवशाच्या म्हशीला टोणगा | पूर्ण निराशा करणे |
| 85 | बळी तो कान पिळी | बलवान माणूस दुर्बळ माणसांना त्रास देतो |
| 86 | पुढच्यास ठेच मागचा शहाणा | एकाच मार्गावरील पुढील व्यक्तीस वाईट अनुभव आल्यास तो मागच्या माणसा साठी मार्गदर्शक ठरतो |
| 87 | पालथ्या घड्यावर पाणी | नि:र्बुध्ध व्यक्तीचे वागणे सुधारत नाही |
| 88 | नाव मोठे लक्षण खोटे | मोठा थाट दाखवणे पण प्रत्यक्षात काहीच नसणे |
| 89 | नाचता येईना आंगण वाकडे | स्वतः येत नसलेली गोष्ट न करता इतर गोष्टीस बोल लावणे |
| 90 | नाकापेक्षा मोती जड होणे | डोईजड होणे |
| 91 | नरोवा कुंजरोवा | कोणत्याही गोष्टीबाबत भाष्य न करणे |
| 92 | दैव देते कर्म नेते | कर्म वाईट केले तर चांगल्या गोष्टीचा त्याग करावा लागतो |
| 93 | तोंडाला पाने पुसणे | शब्द देऊन समोरच्या व्यक्तीचे काम न करणे |
| 94 | तहान लागल्यावर विहीर खोदणे | गरज लागल्यानंतरच एखाद्या गोष्टीसाठी तयारी करणे |
| 95 | तवा तापला तोवर भाकरी भाजून घ्यावी | जोवर लाभ घेता येतो तोपर्यंत स्वार्थ साधून घेणे. |
| 96 | तरण्याला लागली कळ अन म्हातारयाला आल बळ | तरणा माणसाने आळशीपणा करणे तर म्हाताऱ्याने उत्साह दाखवणे |
| 97 | ढवळ्याशेजारी बांधला पावळया, वाण नाही पण गुण लागला | दोन व्यक्तींना सोबत राहताना एकमेकांच्या सवयी लागणे. |
| 98 | तळ्यात मळ्यात करणे | मनाची अवस्था अस्थिर असणे |
| 99 | डोंगर पोखरून उंदीर कढणे | जास्त मेहनत करून कमी फायदा होणे |
| 100 | डल्ला मारणे | दुसऱ्याची वस्तू चोरणे |
Marathi Mhani Ani Arth
Advertisement
Marathi Mhani Ani Arth PDF:- ह्या मध्ये तुम्ही म्हणी ओळख, म्हणी पूर्ण करा, वाक्यात उपयोग करा असे प्रश्न सुद्धा विचारले जातात 100+ म्हणी पीडीएफ मध्ये डाउनलोड करा .
| 1 | ठकास महाठक | प्रत्येक वाईट माणसाला त्यापेक्षा वरचढ माणूस मिळतोच |
| 2 | टाकीचे घाव सोसल्याशिवाय देवपण येत नही | कष्टाशिवाय यश मिळत नाही |
| 3 | ज्याचं जळतं त्यालाच कळतं | आपले दु:ख आपल्यालाच सोसावे लागते |
| 4 | जेथे पिकतं तिथे विकतं नाही | एखादी गोष्ट जास्त प्रमाणात असलेल्या भागात त्या गोष्टीचे महत्त्व राहत नाही. |
| 5 | अंगात नाही बळ आणि चिमटा घे‌उन पळ | दुर्बळ मनुष्य बलवान व्यक्ती वर सरळ हल्ला न करता छोटी खोडी काढून पसार होतो. |
| 6 | अक्कल नाही काडीची नाव सहस्त्रबुद्धे | नावाप्रमाणे लोक नसतात |
| 7 | अठरा विश्व दारिद्र्य त्याला छत्तीस कोटी उपाय | जीवनात यशस्वी होण्यासाठी अनेक उपाय आहेत |
| 8 | अडली गाय खाते काय | गरजू माणूस कोणत्याही अटी स्वीकारून काम करतो |
| 9 | अन्नछ्त्रात मिरपूड मागू नये | गरजवंत व्यक्तीला पर्याय नसतो |
| 10 | अपयश ही यशाची पहिली पायरी आहे | कोणत्याही यश मिळवताना सुरवातीला अपयश येऊ शकते |
| 11 | आंधळे दळते अन कुत्रे पीठ खाते | एकाने कष्ट करायचे अन दुसऱ्याने लाभ घ्यायचा |
| 12 | आंधळ्या प्रजेत हेकणां राजा | असहाय्य गरीब लोकांमध्ये एखादा चुकीचे निर्णय घेऊन राज्य करतो |
| 13 | आई जेवू घालीना बाप भिक मागू देईना | दोन्हिकडून संकटात सापडणे |
| 14 | आईचा काळ नि बायकोशी मवाळ | आईशी वाईट वागून बायकोला महत्त्व देणे |
| 15 | आचार तेथे विचार | चांगली संस्कृती चांगल्या विचाराना जन्म देते |
| 16 | आधीच मर्कट तशातच मद्य प्याला | आधीच विचित्र बुद्धीचा,अनअति प्रोत्साहन मिळाल्यामुळे त्याच्या चेष्टाना उत येतो |
| 17 | आपल्या अळवाची खाज आपणास ठावी | आपले दोष आपल्यालाच माहित असते |
| 18 | इच्छा तसे फळ | मनात चांगले विचार ठेऊन केलेले कार्य यशस्वी होतेच |
| 19 | इकडे आड तिकडे विहीर | कोंडी होणे |
| 20 | उंटावरचा शहाणा | चुकीचा सल्ला देणारा |
| 21 | उंटावरून शेळ्या हाकणे | कोणत्याही कामात सहभाग न घेता उगाच फुकटाचे मार्गदर्शन करणे |
| 22 | उन पाण्याने घर जळत नसते | एखाद्यावर खोटे आरोप केले तरी त्याची बेअब्रू होत नाही |
| 23 | उपट सूळ, घे खांद्यावर | नसते लचांड पाठीमागे लावून घेणे |
| 24 | एकटा जीव सदाशिव | एकटा माणूस सुखी असतो |
| 25 | करायला गेलो एक आणि झाले भलतेच | चांगले करायला गेले तरी वाईट घडणे |
| 26 | करीन ती पूर्व | अंगी असे कर्तुत्व असावे की जे ठरविले ते घडून आलेच पाहिजे |
| 27 | कुठेही जा पळसाला पाने तीनच | सर्वत्र परिस्थिती सारखीच असते |
| 28 | कुत्र्याचे शेपूट नळीत घातले तरी वाकडे ते वाकडेच | वाईट व्यक्तीची वाईट सवय कधीही जात नाही |
| 29 | कुन्हाडीचा दांडा गोतास काळ | दुसऱ्यांना इजा करताना आपल्यालाही इजा होऊ शकते |
| 30 | खाल्ल्या मिठाला जागणे | मालकाशी प्रामाणिक राहून संकट काळी मदत करणे |
| 31 | गाढवाचा गोंधळ लाथांचा सुकाळ | मुखं मनुष्य आपल्या वागण्याने सर्वदूर गोंधळ उडवतो |
| 32 | घोंगडे भिजत पडणे | एखादी गोष्ट खूप दिवसापासून प्रलंबित असणे |
| 33 | चमत्कारास नमस्कार करणे | असाध्य गोष्टीना मानाने |
| 34 | चांभाराची नजर जोड्यावर | आपआपल्या व्यवसाया संबधित गोष्टींकडे अधिक लक्ष देणे , |
| 35 | चालत्या गाडीला खीळ घालणे | एखाद्याच्या चांगल्या कामात व्यत्यय आणणे |
| 36 | जपून पाऊल टाकणे | काळजीपूर्वक काम करणे |
| 37 | जसा गुरु तसा चेला | एका प्रमुख व्यक्तीच्या मार्गदर्शनाखाल त्या व्यक्तीच्या स्वभावचेच लोक निर्माण होतात. |
| 38 | जिकडे सुई तिकडे दोरा | जवळचे संबंध असणारे एकमेकांजावळ कायम असतात. |
| 39 | जित्याची खोड मेल्याशिवाय जात नाही | वाईट व्यक्तीची वाईट सवय कधीही जात नाही |
| 39 | दांत कोरून पोट भरतो | जगण्यासाठी फार थोडे श्रम घेऊन जीवन व्यतीत करणे. |
| 40 | दाखवायचे दात वेगळे अन खायचे दात वेगळे | दाखवताना विचार वेगळे अन मनात काही वेगळेच विचार |
| 41 | दुसऱ्याच्या डोळ्यातील कुसळ दिसते पण स्वतःच्या डोळ्यातील मुसळ दिसत नाही | स्वतःच्या चुकांकडे दुर्लक्ष करून दुसऱ्याच्या चुकांविषयी बोलणे |
| 42 | दोघींचा दादला उपाशी | एकाच वेळी दोन गोष्टींवर लक्ष केंद्रित केल्यामुळे कोणताही अपेक्षित लाभ न होणे. |
| 43 | दोन्ही घरचा पाहुणा उपाशी | दोन वेगवेगळ्या लोकांना पाठिंबा देणाऱ्या व्यक्तीला तोटा होतो |
| 44 | द्या दान सुटे गिरान | एखादा आशावाद दाखवून पैसे ची अपेक्षा करणे |
| 45 | नकटीच्या लग्नाला सतराशे विघ्न | कमी तयारीअसलेल्या कार्यात अनेक बाधा येणे |
| 46 | नकर्त्यांचा वार शनिवार | काम न करणारा व्यक्ती फक्त कारणे सांगतो |
| 47 | नव्याची नवलाई | एखाद्या नवी गोष्टीचा उदोउदो करणे |
| 48 | नाव सोनुबाई अन हाती कथलाचा वाळा | नावाप्रमाणे लोकप्रियता नसणे |
| 49 | निंदकाचे घर असावे शेजारी | आपल्या टीकाकारांमुळे आपला विकास होतो |
| 50 | निर्लज्जम सदा सुखी | वाईट व्यक्तीला त्याचा वागण्याचे काहीही वाटत नाही |
| 51 | पाण्यात राहून माशाशी वेर | बलवानाशी शत्रुत्व काय कामाचे ? |
| 52 | पेराल तसे उगवेल | कर्मानुसार तसे फळ मिळते |
| 53 | फट म्हणताच ब्रम्ह | छोट्या गोष्टीवरुन दोषी ठरवणे |
| 54 | वागावेच लागते कधी गाडीवर नाव तर कधी नावेवर गाडी | सर्वाना प्राप्त परिस्थितीनुसार वागावेच लागते |
| 55 | वारा पाहून पाठ फिरवावी | वातावरण पाहून वागावे |
| 56 | संगत गुण से सोबत गुण | दोन व्यक्तींना सोबत राहताना एकमेकांच्या सवयी लागणे |
| 57 | हत्ती गेला शेपूट राहिलं | अवघड काम संपल्यानंतर छोटे राहणे |
| 58 | हलवायाच्या घरावर तुळशीपत्र | स्वतःच्या व्यवसायात लोकप्रिय असूनही आपल्या घरासाठी आपल्या व्यवसायासंबधित सुविधा देता न येणे |
| 59 | सुंठेवाचून खोकला गेला | परस्पर संकट टळले |
| 60 | सुंभ जळतो पण पिळ जळत नाही | भरपूर शिक्षा होऊन सुध्दा वाईट प्रवृत्ती नष्ट करता येत नाही |
| 61 | शेखी मीरविणे | उगाचच मोठ्या गोष्टी करणे |
| 62 | शेळी जाते जीवानिशी खाणारा म्हणतो वातड | आपल्या स्वार्थ साधण्यासाठी दुसऱ्याच्या जीवाचा विचार न करणे |
| 63 | चोरावर मोर | प्रत्येक वाईट माणसाला कधीतरी दुसरा वरचढ माणूस मिळतोच. |
| 64 | जखमेवर मीठ चोळणे | आधीच त्रस्त असताना परत त्याच गोष्टीविषयी त्रास देणे |
| 65 | छत्तीसाचा आकडा | विरुद्ध मत असणे |
| 66 | जळत घर भाड्याने कोण घेणार? | संकटाची गोष्ट कोणालाच आवडत नाही |
| 67 | जळी स्थळी काष्ठी पाषाणी असणे | सगळी कडे असणे |
| 68 | चार दिवस सासूचे चार दिवस सुनेचे | प्रत्येकाचे दिवस येतात |
| 69 | गाढवाच्या पाठीवर गोणी | कष्टकरी माणसाला तया कष्टा संबधित लाभ मिळत नाही तो लाभ इतरांना मिळतो |
| 70 | गाढवं मेलं ओझ्याने अन शिगरू मेलं हेलपाट्याने | समजदार व्यक्ती काम करत आपले जीवन व्यतित करतात तर मुर्ख मनुष्य काम न समजल्याने त्रस्त जगतो. |
| 71 | गरज सरो नि वैद्य मरो | काम झाल्या नंतर त्या माणसाला विसरणे . |
| 72 | गरज ही शोधाची जननी आहे | गरजेतूनच नवीन शोध गोष्टी निर्माण होतात |
| 73 | गरजवंताला अक्कल नाही | असहाय्य माणूस कोणाकडेही मदतीची याचना करतो |
| 74 | गरजेल तो बरसेल काय | मोठमोठ्या गोष्टी करणारे लोक मुळात काहीही काम करत नाहीत |
| 75 | गाढवाने शेत खाल्ले ,पाप ना पुण्य | वाईट व्यक्तीला त्याचा वागण्याचे काहीही वाटत नाही |
| 76 | गाढवापुढे वाचली गीता ,कालचा गोंधळ बरा होता | चांगले ज्ञानदिल्यावरही व्यक्तीचे वाईट वागणे |
| 77 | गाढवाला गुळाची चव काय | मूर्ख माणसाला चांगल्या गोष्टींची किंमत नसते |
| 78 | गावात घर नाही अन रानात शेत नाही | कफल्लक असणे |
| 79 | गावात नाही झाड अन म्हणे एरंडया ला आले पान | एखादी गोष्ट उगीचच वाढवून सांगणे |
| 80 | गोरा गोमटा कपाळ करंटा | नुसते दिखाऊपण काही कामाचे नसते |
| 81 | चढेल तो पडेल | फार गर्व केला तर पराजय निशित असतो |
| 82 | घोडं झालया मराया अन बसणारा म्हणतो मी नवां | दुसऱ्याचे दु:ख न पाहता आपलाच विचार करणे |
| 83 | चोराच्या उलट्या बोंबा | गुन्हा कबूल न करता समोरच्यास दोषी ठरवणे. |
| 84 | चोरीचा मामला हळू हळू बोंबला | वाईट गोष्ट सर्व बाजूंनी झाकण्याचा प्रयत्न होतो. |
| 85 | छडी लागे छमछम विद्या येई घमघम | कठीण परिश्रम व दंड यामुळेच यश मिळते |
| 86 | श्वानाचीया भुंकण्याला हती देईना किंमत | बलवान व्यक्ती दुर्बल माणसाला किंमत देत नाही |
| 87 | ज्याचा कंटाळा त्याचा वानोळा | जी कंटाळवाणी बाब असते तीच स्वीकारावी लागणे |
| 88 | जो श्रमी त्याला काय कमी | कष्ट करणाऱ्या व्यक्तीस काही कमी पडत नाही. |
| 89 | जात्यातले रडतात आणि सुपातले हसतात | दुसऱ्यावर हसताना विचार करावा काही दिवसांनी अशी वेळ आपल्यावरही येऊ शकते . |
| 90 | जशी नियत तशी बरकत | आपले यश आपल्या चांगल्या विचारांवर अवलंबुन असते. |
| 91 | जशास तशे | समोरच्या व्यक्ती व्यवहारानुसार आपला व्यवहार ठरवावा |
| 92 | चार आण्याचा मसाला बारा आण्याची कोंबडी | एखाद्या छोट्या गोष्टीची किंमत कमी आणि इतर खर्च खूप जास्त असणे |
| 93 | चमडी जाईल पण दमडी जाणार नाही | पैश्यावर खूप प्रेम असणे |
| 94 | घोड्यावर हौदा हत्तीवर खोगीर | कोणताही विचार न करता कृत्य करणे |
| 95 | घरोघरी मातीच्या चुली | सर्वदूर सारखीच परिस्थिती असते |
| 96 | घरात नाही एक तीळ अन मिशाला पिळ | गरीब असताना श्रीमंतीची एट करणे |
| 97 | घरचा उंबरठा दारालाच माहित | घरातील गोष्टी घरातल्या लोकांनाच माहित असते |
| 98 | गोगल गाय पोटात पाय | वरून दुर्बळ वाटणारे आतून स्वार्थी असू शकतात |
| 99 | गुरवाचे लक्ष निविद्यावर | माणसाला स्वार्थाच्या गोष्टी लगेच कळतात |
| 100 | गाव तिथे उकिरडा | सगळीकडे सारखीच परिस्तिथी असते |
Marathi Mhani Ani Arth
Marathi Mhani Ani Arth :- आधुनिक म्हणी, गावरान, मराठी, मराठी जुन्या म्हणी, आणि वाक्प्रचार, ऐतिहासिक म्हणी, मराठी विनोदी म्हणी, मराठी म्हणींचा संग्रह व त्याचे अर्थ, वाक्यात उपयोग स्पष्टीकरणासह खाली दिलेल्या आहेत.
| 1 | गाजराची पुंगी वाजली तर वाजली ,नाहीतर मग मोडून खाल्ली | एखाद्या गोष्टीचा उपयोग आपल्या अपेक्षेप्रमाणे झालातर ठीक,नाहीतर त्याचा अन्य तर्हेने उपयोग करणे |
| 2 | गर्वाचे घर खाली | गर्व असलेल्या माणसाचा पराजय होतोच |
| 3 | गंगेत घोडं न्हालं | सर्व इच्छा पूर्णत्वास जाणे |
| 4 | गंगा वाहते तोवर हात धुवून घ्यावे | जोवर लाभ घेता येतो तोपर्यंत स्वार्थ साधून घेणे. |
| 5 | खिशात नाही दमडी अन बदलली कोंबडी | ऐपत नसताना बडेजाव दाखविणे |
| 6 | खायला काळ भुईला भार | ज्याचा काही उपयोग नाही असा माणूस भार बनतो |
| 7 | खाता पिता दोन लाथा | कायम घाबरवून ठेवणे |
| 8 | कुंपणानेच शेत खाणे | रक्षणकर्त्यानेच नुकसान करणे |
| 9 | काविळ झालेल्यास सर्व पिवळे दिसते | आपणास ज्या गोष्टी जसे विचार करतो तश्याच वाटतात |
| 10 | कावळा बसायला अन फांदी तुटायला | भलत्याच गोष्टीचा संबंध वेगळ्याच गोष्टीला लावणे |
| 11 | काळी बेंद्री एकाची अन सुंदर बायको लोकाची | सर्वाना आपल्या गोष्टीपेक्षा इतरांच्या चांगल्या आहेत असे वाटते |
| 12 | काळ आला होता पण वेळ आली नव्हती | प्राणांतिक संकटातून वाचणे |
| 13 | करंगळी सुजली तर डोंगरा एवढी होईल काय | छोट्या माणसाला थोर माणसाची बरोबरी करणे अशक्य आहे |
| 14 | एकादशीच्या घरी शिवरात्र | एका दरिद्री माणसाचा दुसऱ्या दरिद्री माणसाचा उपयोग होत नाही. |
| 15 | एका दगडात दोन पक्षी मारणे | एकाच गोष्टीने दोन काम करणे |
| 16 | एक पाय तळ्यात एक पाय मळ्यात | दोन मार्गांवर हात ठेऊन चालणे |
| 17 | उसाच्या पोटी कापूस | कर्तबगार व्यक्तीच्या वंशात आळशी माणूस असणे |
| 18 | इज्जतीचा फालुदा होणे | अपमान होणे |
| 19 | आलीया भोगासी असावे सादर | एखाद्याच्या वाट्याला वाईट काळ आला असेल तर तो सहन करणे |
| 20 | आली चाळीशी, करा एकादशी | परिस्थितीनुसार आपल्या सवयी बदलवणे |
| 21 | आवळा देऊन कोहळा काढणे | अल्प आमिष दाखवून मोठे काम करून घेणे |
| 22 | आले अंगावर घेतले शिंगावर | संकटाचा सामना धैर्याने करावा |
| 23 | आरोग्य हेच ऐश्वर्य | चांगले आरोग्य ही यशाची गुरुकिल्ली आहे |
| 24 | आभाळ फाटल्यावर त्याला ठिगळ कसे लावायचे | मोठे संकट आले की बचाव करणे अवघड असते |
| 25 | आमचे गहू आम्हालाच देऊ | आपल्याच वस्तूचा चतुराईने दुसऱ्याना लाभ न मिळू देता स्वतःच लाभ घेणे |
| 26 | आपला तो बाब्या दुसऱ्याच ते कारटं | स्वतःच्या चुकांकडे दुर्लक्ष करून दुसऱ्याच्या चुकांविषयी बोलणे |
| 27 | आधीच उल्हास त्यात फाल्गुन मास | आधीच हौशीने केलेलं काम अन त्याला अनुकूल परिस्थिती निर्माण होणे |
| 28 | आडात नाही तर पोहऱ्यात कोठून येणार | एखादी गोष्ट अस्तित्वात नसतांना त्याची अपेक्षा करणे व्यर्थ आहे |
| 29 | आकारे रंगती चेष्टा | माणसाच्या बाह्य स्वरूपावरून त्याचा कार्याचा अंदाज करता येत नाही |
| 30 | आईजीच्या जिवावर बाईजी उदार | दुसऱ्याचा पैसा दान करून स्वतः चा बडेजाव दाखविणे |
| 31 | असेल तेव्हा दिवाळी नाहीतर शिमगा | भरपूर पैसे असल्यावर चैन करायची नाहीतर गप्प बसायचे |
| 32 | अपुऱ्या घड्याला डब डब फार कमी | बुद्धिवान माणूस आपले ज्ञान उगाच सर्वदूर सांगत सुटतो |
| 33 | अपयश हे मरणाहून बोचते | अपयश मरणापेक्षा भयंकर आहे व लाजीरवाणे आहे |
| 34 | अडाण्याचा गेला गाड़ा, वाटेवरची शेते काढा | मूर्ख माणूस कोणत्याही प्रकारे विचित्र वर्तन करू शकतो |
| 35 | अडली गाय अन फटके खाय | अडचणीत सापडलेल्या व्यक्तीस जास्त त्रास देणे |
| 36 | अचाट खाणे मसणात जाणे | अती प्रमाणात कोणतीही गोष्ट घातक ठरू शकते |
| 37 | अंधारात केले तरी उजेडात आले | गुप्तपणे केलेली गोष्ट कधीही सर्वाना कळू शकते |
| 38 | अंथरूण पाहून पाय पसरावे | आपली आवक जेव्हढी असेल तेवढेच पैसे खर्च करावे |
| 39 | खाली मुंडी पाताळ धुंडी | स्वभावाने गरीब वाटणारा मनुष्य ही धोकेदायक असू शकतो |
| 40 | खाण्याराला चव नाही रांधणारयाला फुरसत नाही | एखाद्या गोष्टीची मागणी वाढली की ती गोष्ट मुक्तपणे सहन करणे भाग असते |
| 41 | खतास महाखत | प्रत्येक वाईट माणसास दुसर वरचढ माणूस मिळतोच |
| 42 | कोळसा उगाळावा तेवढा काळा | वाईट व्यक्तीचा अनुभव कायम वाईट असतो |
| 43 | केली खाता हरखले व हिशेब देता कचरले | कोणताही विचार न करता कर्ज करायचे व देणी वाढली की काळजी करायची |
| 44 | कावळ्याच्या शापाने गाय मरत नाही | दुर्जन व्यक्तीच्या चिंतनाने चांगल्या माणसाचे नुकसान होऊ शकत नाही |
| 45 | काय ग बाई उभी घरात दोघी तिघी | घरात काम करणारे पुष्कळ वाढले की प्रत्येकजण कामचुकारपणा करू लागतो |
| 46 | काट्यावाचून गुलाब नाही | चांगली गोष्ट कठीण परीश्रमाने मिळते |
| 47 | काखेत कळसा गावाला वळसा | जवळ असलेली वस्तू दुसरीकडे शोधणे |
| 48 | काकडीची चोरी अन फाशीची शिक्षा | थोड्याश्या अपराधानंतर फार मोठी शिक्षा करणे |
| 49 | कामा पुरता मामा | व्यावहारीक जगात स्वार्थ बाळगणे |
| 50 | काम नाही घरी अन सांडून भरी | काम नसताना उगाच काम वाढवून तेच काम परत परत करणे |
| 51 | काम न धंदा, हरी गोविंदा | रिकामटेकडा मनुष्य फक्त बडबड करण्यात आपला वेळ घालवतो. |
| 52 | कसायाला गाय धार्जिणी | गुंडांच्या पुढे लोकं नमतात व पुढे पुढे करतात |
| 53 | औषधा वाचून खोकला गेला | परस्पर संकट टळले |
| 54 | ओळखीचा चोर जीवे मारी | एखाद्याला आपण गुन्हा करताना पाहिल्यास तर तो आपल्या जिवावर उठतो |
| 55 | ओल्याबरोबर सुके जळते | दुष्टांच्या बरोबर राहिल्याने सज्जन माणसास ही त्रास होतो |
| 56 | एका कानावर पगडी घरी बाईल उघडी | बाहेर श्रीमंतीचा आव आणायचा व घरी दारिद्र्यात राहणे |
| 57 | उपसा पसारा मग देवाचा आसरा | आधी कामा करावे मग देव देव करावे |
| 58 | उत्तम शेती मध्यम व्यापार नि कनिष्ठ नोकरी | नोकरी पेक्षा व्यापार व व्यापारापेक्षा शेती उत्तम आहे |
| 59 | उतावळा नवरा गुडघ्याला बाशिंग | एखाद्या गोष्टीसाठी खूप घाई करणे |
| 60 | उचल पत्रावळी म्हणे जेवणारे किती | मुद्द्याचे काम सोडून भलतीच चौकशी करणे |
| 61 | उघड्याकडे नागडा गेला अनं रात्रभर हिवाने मेला | एक लहान पत असलेली व्यक्ती दुसऱ्या गरीब व्यक्तीची बरोबरी करू शकत नाही. |
| 62 | आसू ना मासू , कुत्र्याची सासू | जिव्हाळा नसताना वरवर कळवळा दाखविणे |
| 63 | आयत्या बिळावर नागोबा | कोणतेही काम न करता दुसर्‍याच्या जिवावर उपभोग घेणे |
| 64 | आपले नाक कापून दुसऱ्याला अपशकून | आपले नुकसान झाले तर दुसऱ्याचे पणनुकसान होवो ही मनीषा मनात बाळगणे |
| 65 | आपला हात जगन्नाथ | आपली उन्नती आपल्यावरच अवलंबून असते, |
| 66 | आपण हसे लोकाला अन घाण आपल्या नाकाला | ज्या दोषाबद्दल लोकास हसायचे, तोच दोष आपल्यात असताना दुर्लक्ष करणे |
| 67 | आपण चिंतीतो एक पण देवाच्या मनात भलतेच | प्रत्येकच गोष्ट आपल्या मनासारखी होत नाही |
| 68 | आईची माया न पोर जाई वाया | अति लाडाने मुल बिघडते |
| 69 | अनोळख्याला भाकरी द्यावी पण ओसरी देऊ नये | अपरिचित माणसाशी अधिक सलगी करू नये |
| 70 | अतिपरीचयेत अवज्ञा | अतिघनीष्ट सबंध हानिकारक ठरू शकतो |
| 71 | अति शहाणा त्याचा बैल रिकामा | शिष्ट माणसाशी व्यवहार करताना लोक जपून वागतात त्यामुळे त्यांना काम करणे जड जाते |
| 72 | अति राग भीक माग | रंगामुळे कोणतीही गोष्ट साध्य करता येत नाही |
| 73 | अंतकाळापेक्षा मध्यांन्नकाळ कठीण | मरणापेक्षा भुकेच्या यातना कठीण असतात |
| 74 | आशेची माय निराशा | निराशा येईल म्हणून आशा कधीही सोडू नये |
| 75 | इजा बिजा तीजा | एकसारख्या होणाऱ्या घटना टाळता येत नाही |
| 76 | उडत्या पक्षाची पिसे मोजणे | सहज चालता बोलता एखाद्या गोष्टीची पारख करणे |
| 77 | उचलली जीभ लावली टाळायला | कोणताही विचार न करता बोलणे |
| 78 | उखळात डोके घातल्यावर मुसळाची भीती कशाला | एखादे मोठे , कठीण काम हातात घेतल्यानंतर श्रमांचा विचार करायचा नसतो |
| 79 | उकिरड्याची दैना बारा वर्षांनी देखील फिटते | गरीब व्यक्तीचे दिवस कधीही पालटू शकतात |
| 80 | उंदीर गेला लुटी अन आणल्या दोन मुठी | मनुष्य आपल्या कुवतीनुसार काम करतो |
| 81 | उंदराला मांजर साक्ष | वाईट माणसाने दुसर्‍या वाईट माणसाविषयी चांगले सांगणे |
| 82 | कानामागून आली तिखट झाली | नवीन आलेली व्यक्ती लवकरच यशस्वी होणे |
| 83 | काठी मारल्याने पाणी दुभंगत नाही | खरी मैत्री आगंतुक कारणाने तुटत नाही |
| 84 | दुष्टी आड सृष्टी | आपल्या पाहण्यापलीकडे पण जग आहे |
| 85 | दिवसा चुल रात्री मूल | दिवस-रात्र कामाचा त्रास असणे. |
| 86 | दिवस गेला रेटारेटी, चांदण्यात कापूस वेचीत | दिवसभर आपला वेळ वाया घालवून शेवटच्या क्षणास धावा-धाव करणे. |
| 87 | दाम करी काम | पैशाला किंमत असते |
| 88 | दगडावरची रेघ | कायमची गोष्ट |
| 89 | दक्षिणा तशी प्रदक्षिणा | व्यवसायात जसा लाभ असेल तसे महत्त्व आपल्या ग्राहकास देणे |
| 90 | तू राणी मी राणी पाणी कोण आणी | दोन नाजूक व्यक्ती कधीही काम करत नाही, |
| 91 | तुझी दाढी जळू दे पण माझी वीडी पेटू दे | दुसऱ्याचे नुकसान झाले तरी चालेल पण स्वतःचा स्वार्थ साधणे |
| 92 | तीन तिघाडा काम बिघाडा | एखादे काम भरपूर जणांनी लक्ष केंद्रित करून केले तर अपयश येऊ शकते |
| 93 | ताकापुरते रामायण | एखादी गोष्ट मिळेपर्यंत संवाद साधणे. |
| 94 | तळ हाताने सूर्य झाकला जात नाही | छोट्या गोष्टीनी फार मोठे गोष्ट दडवता येत नाही |
| 95 | ज्याला नाही अक्कल त्याची घरोघरी नक्कल | मुर्ख माणसाची सर्वत्र उपेक्षा व टिंगल होते. |
| 96 | जो दुसऱ्यावर विसंबला त्याचा कार्यभाग बुडाला | आपले काम दुसऱ्यावर ढकललेतर अपयश येते |
| 97 | जिथे कमी तेथे आम्ही | पडेल ते काम करून समोरच्यास हातभार लावणे |
| 98 | चोर नाही तर चोराची लंगोटी | भरपूर अपेक्षा असताना अल्प लाभावर समाधान मानणे. |
| 99 | चिंती परा ते येई घरा | वाईट चिंतन केले की तशीच घटना आपल्या आयुष्यात घडते |
| 100 | चकाकते ते सोने नसते | बडेजाव करणारे सर्वजण श्रीमंत नसतात |
Advertisement
Read More:- 2000+ Virudharthi Shabd In Marathi PDF Download – मराठी विरुद्धार्थी शब्द
All Marathi Mhani List
| 1 | चतुर्भुज होणे | लग्न करणे |
| 2 | चांगल्या कामाचा प्रारंभ स्वतःच्या घरापासून व्हावा | चांगली गोष्ट स्वतः पासून सुरवात करावी |
| 3 | चुकणे हा मानवाचा धर्म आहे | माणूस चुकू शकतो |
| 4 | चुकलेला फकीर मशिदीत | मनुष्य आपल्या मूळ स्थानावर परततो. |
| 5 | जशी कामना तशी भावना | आपण जसे चिंतन करतो त्याप्रमाणे आपले विचार बनतात. |
| 6 | ज्या गावच्या बोरी त्याच गावच्या बाभळी | एका प्रदेशात सर्व गुणधर्माचे लोकं राहतात |
| 7 | ज्याचा हात मोडेल त्याच्या गळ्यात पडेल | वाईट कृत्य स्वतःलाच भोगावे लागते |
| 8 | ज्याची मिळते पोळी त्याची वाजवावी टाळी | आपल्या मालकाचे गुणगान करणे |
| 9 | झाडाजवळ छाया अन बुवाजवळ बाया | थोडे आमिष दाखविले तरी मनुष्याची धाव तिकडेच असते |
| 10 | झाकली मूठ सव्वा लाखाची | दुर्गुण असले तरी प्रकट करू नयेत |
| 11 | ज्याला नाही अक्कल त्याची घरोघरी नक्कल | मुर्ख माणसाची सर्वत्र उपेक्षा व टिंगल होते. |
| 12 | दिव्या खाली अंधार | मोठ्या व्यक्तीचे सुद्धा गुण दोष असतात |
| 13 | दिवाळी दसरा हात पाय पसरा | सण बघून भरमसाठ खर्च करणे |
| 14 | दिल्या भाकरीचा सांगितल्या चाकरीचा | एखादा माणूस एकाच ठिकाणी फार काही अपेक्षा न ठेवता काम करतो. |
| 15 | अती झालं अऩ हसू आलं | एखाद्या गोष्टीचा जास्त उहापोह केला तर ती गोष्ट हास्यास्पद ठरते |
| 16 | आंधळा मागतो एक डोळा देव देतो दोन | अपेक्षेपेक्षा जास्त लाभ होणे |
| 17 | असेल तेव्हा दिवाळी नाहीतर शिमगा | भरपूर पैसा असल्यावर चैन करायची नाहीतर गप्प बसायचे |
| 18 | आपले नाही धड अन शेजाऱ्याचा कढ | आपली परिस्थिती चागली नसताना दुसऱ्याच्या परिस्थिती विषयी कळकळ दाखविणे |
| 19 | एकमेका सहाय्य करू अवघे धरू सुपंथ | एकमेकांच्या सहकार्याने सर्वांचाच फायदा होतो |
| 20 | एक ना धड भारभार चिंध्या | अनेक गोष्टी अपूर्ण करून , कोणत्याही गोष्टी पूर्ण न करणे |
| 21 | उडाला तर कावळा बुडाला तर बेडूक | एखाद्या गोष्टीची पारख लगेचच होत नाही त्यासाठी थोडा वेळ जाऊ द्यावा लागतो |
| 22 | आपली पाठ आपणास दिसून येत नाही | आपले दोष आपल्याला दिसत नाहीत |
| 23 | आधीच आम्हाला हौस, त्यात पडला पाऊस | एखाद्या अचानक ठरलेल्या गोष्टीत बाधा उत्पन्न होणे |
| 24 | आधी पोटोबा मग विठोबा | अगोदर पोट भरावे मग देवास आळवावे |
| 25 | आधणातले रडतात अन सुपातले हसतात्त | दुसऱ्यांना हसताना विचार करणे क्रमप्राप्त आहे, काही दिवसांनी तशी वेळ आपल्यावरही येऊ शकते |
| 26 | आजा मेला नि नातू झाला | एकीकडे फायदा तर दुसरीकडे तोटा होणार |
| 27 | आखुड शिंगी आणि बहुदुधी | सर्व आपल्या मनासारखे व्हावे असे वाटणे |
| 28 | अप्पा मारी गप्पा | काही रिकामटेकडे उगाच चर्चेचे पाल्हाळ लावतात |
| 29 | अनुभवल्याशिवाय कळत नाही, चावल्याशिवाय गिळत नाही | एखाद्या गोष्टीत सहभाग घेतल्याशिवाय ती गोष्ट साध्य होत नाही |
| 30 | असतील शिते तर नाचतील भुते | संपत्ती असलेल्या व्यक्तीकडे सर्वजण येतात |
| 31 | आधी जाते बुद्धी मग जाते लक्ष्मी | आधी वर्तन बिघडते मग मनुष्य कंगाल होतो |
| 32 | कठीण समय येता कोण कामास येतो | आपल्या अडचणीच्या वेळेस कोणीही मदतीला येत नाही |
| 33 | तेल गेले तूप गेले हाती आले धुपाटणे | एकाच दोन वेगवेगळ्या गोष्टींवर लक्ष केंद्रित केल्यावर दोन्ही गोष्टींचा लाभ न होणे |
| 34 | ढवळ्या जातो आणि पवळ्या येतो पण सावळा गोंधळ तसाच राहतो | कारभारी व्यक्ती बदलली तरी फारसे बदल होत नाही अन तोच तो गोंधळ उडतो. |
| 35 | डोळ्यात अंजन घालणे | एखाद्यास दिवसाढवळ्या विश्वासघात करुन फसविणे |
| 36 | नसून खोळंबा असून दाटी | एखाद्या प्रमुख व्यक्तीचा कोणताही उपयोग न होणे |
| 37 | नवी विटी नवे राज्य | नवीन राज्यकर्ते नवीन कायदे आणतात |
| 38 | साखरेचे खाणार त्याला देव देणार | सगळ्यांशी आपुलकीने वागल्यास असाध्य बाब साध्य होऊ शकते |
| 39 | सरड्याची धाव कुंपणा पर्यंतच | दुर्बळ माणूस एका मर्यादेच्या काम करतो |
| 40 | वराती मागून घोडे | एखादी गोष्टीचे महत्व संपल्या नंतर त्यासाठी उपाय योजना करणे व्यर्थ आहे |
| 41 | लेकी बोले सुने लागे | एकाला बोलल्यावर दुसऱ्याने त्यातील संदेश ओळखणे |
| 42 | मेल्याशिवाय स्वर्ग दिसत नाही | काही गोष्टी स्वतःअनुभावल्याशिवाय कळत नाही |
| 43 | मूर्ती लहान पण कीर्ती महान | छोटा मनुष्य तरी कार्यक्षमता खूप असणे |
| 44 | मुलाचे पाय पाळण्यात दिसतात | व्यक्तीचे गुणदोष सुरवातीच्या काळात लगेच कळतात |
| 45 | बाळाचे बाप ब्रह्मचारी | निष्पाप वाटणाऱ्या व्यक्ती दोषी असणे |
| 46 | दे माय धरणी ठाय करणे | खूप त्रस्त होणे |
| 47 | दुर्दैवाचे दशावतार होणे | अनेक बाजूने संकट येणे |
| 48 | दात कोरुन पोट भारता येत नाही | इकडून तिकडून आणलेल्या अल्प मिळकतीवर जीवन व्यतीत करता येत नाही |
| 49 | ताकास तूर न लागू देणे | मनातील गोष्ट न सांगणे |
| 50 | जिकडे पोळी तिकडे गोंडा घोळी | एखद्या ठिकाणी लाभ असता तिकडे विशेष लक्ष्य देणे. |
| 51 | घार हिंडते आकाशी परी तिचे चित पिल्लांपाशी | घर प्रमुखाचे लक्ष आपल्या मुलांकडेच असते |
| 52 | घरात नाही कौलान रिकामा डौल | गरीब असताना श्रीमंतीची एट करणे |
| 53 | कशात काय अन फाटक्यात पाय | बडेजाव दाखविला तरी उपयोग नसतो |
| 54 | ओठी तेच पोटी | बोलावे तसे वागावे, सरळमार्गी माणूस |
| 55 | एकादशी अन दुप्पट खाशी | नियमांच्या विरुद्ध वर्तन करणे दरिद्री माणसाचा उपयोग होत नाही |
| 56 | ऊस झाला डोंगा परी रस नाही डोंगा | बाह्य स्वरूपावरून व्यक्तीच्या स्वभावाची पारख करता येत नाही |
| 57 | उभारले राजवाडे अन तेथे आले मनकवडे | श्रीमंती आले की त्यामागे हाजी हाजी करणारे येतातच |
| 58 | आपल्या गल्लितच कुत्रे शिरजोर | आपल्या भागात आपला वरचष्मा ठेवणे |
| 59 | आपलेच दात अन आपलेच ओठ | आपल्या माणसांनी आपल्याच माणसाना त्रास देणे |
| 60 | रात्र थोडी सोंगे फार | काम भरपूर, वेळ कमी |
| 61 | लंकेत सोन्याच्या विटा | दुसऱ्याची श्रीमंती आपल्या काही कामाची नसते |
| 62 | लंकेची पार्वती असणे | खूप गरीब असणे |
| 63 | देश तसा वेश | प्रदेशाप्रमाणे आपले संस्कार, पोशाख बदलतो. |
| 64 | थेंबे थेंबे तळे साचे | काटकसर केल्यास बरीच शिल्लक मागे पडते |
| 65 | दहा मरावे पर दहांचा पोशिंदा मरु नये | महत्त्वाची व्यक्ती गेली तर फार मोठे नुकसान होते. |
| 66 | दही वाळत घालून भांडण | एखाद्या नुकसानाची तमा न बाळगता वैर करणे सुरूच ठेवणे |
| 67 | गड आला पण सिंह गेला | एक महत्त्वाची गोष्ट मिळवताना दुसरी महत्त्वाची गोष्ट दूर जाणे |
| 68 | करून करू भागले अन देवपूजेला लागले | वाईट गोष्टींचा वीट आल्यावर चांगल्या गोष्टी करण्याचा प्रयत्न करणे |
| 69 | एकी हेच बळ | एकत्र समुदाय कायम जिंकतो |
| 70 | एकूण घेत नाही त्याला सांगू नये काही | जो एकात नाही त्याला समजावण्याचा प्रयत्न करू नये |
| 71 | उभ्याने यावे अन ओणव्याने जावे | कोणतेही काम स्वाभिमानाने करावे त्याचे श्रेय नम्रपणाने घ्यावे |
| 72 | आग सोमेश्वरी नि बंब रामेश्वरी | गरजू माणसाला मदत न करता, गरज नसलेल्या माणसाला मदत करणे |
| 73 | आगीतून निघून फुफाट्यात पडणे | एका संकटातून निघून दुसर्‍या संकटात सापडणे |
| 74 | आत्याबाईला मिशा असत्या तर तिला काकाच म्हटले असते | अशक्य गोष्टींची चर्चा करण्यात काही अर्थ नसतो |
| 75 | इच्छिलेले घडते तर भिक्षुकही राजे होते | सर्व इच्छेप्रमाणे झाले असते तर सर्व लोकं धनवान झाले असते |
| 76 | उघड्या डोळ्यांनी प्राण जात नाही | धडधडीत नुकसान होत असताना न प्रतिकार करता माणसाला स्वस्थ बसवत नाही |
| 77 | एक नूर आदमी दस नूर कपडा | माणसाचा रुबाब नीटनेटक्या पोशाखाने वाढतो |
| 78 | एका म्यानात दोन तलवारी राहत नाही | लोकात एकदा की नाचक्की झाली की लोकं त्याच दृष्टीने पाहतात. |
| 79 | एका हाताने टाळी वाजत नाही | भांडणात एकाचीच चुकी नसते, प्रत्येकाची थोडी चूक असतेच असते |
| 80 | ओठात एक नि पोटात एक | प्रकट करताना विचार वेगळे अन मनात काही वेगळेच विचार. |
| 81 | ओढाळ गुराला लोढणे गळ्याला | गुन्हेगाराला कायद्याचा वाचक बसावयास हवा |
| 82 | कधी तुपाशी तर कधी उपाशी | पैसा असला तर चंगळ करायची नाही तर उपाशी राहायचे |
| 83 | खाई त्याला खव खवे | ज्यांनी चोरी केली अस्वस्थ होतो |
| 84 | खाजवून खरुज काढणे | एखाद्याची उगाचच कुरापत काढणे |
| 85 | ज्याचा कंटाळा त्याचा वानोळा | जी कंटाळवाणी गोष्ट असते तीच स्वीकारावी लागणे |
| 86 | झालं गेलं अन गंगेला मिळालं | झालेल्या गोष्टी दुर्लक्ष करून पुढे मार्गक्रमण करणे |
| 87 | दिवस बुडाला मजूर उडाला | टाम-टून काम करून निघून जाणे. |
| 88 | दुधापेक्षा सायीवर प्रेम जास्त | मुलांपेक्षा नातवंडांवर अधिक प्रेम असणे. |
| 89 | नाक दाबले की तोंड उघडते | मनस्थितीत हवे ते काम एखाद्यास कोंडीत पकडून ऋण घेता येते |
| 90 | बुडत्याला काठीचा आधार | संकटग्रस्त मनुष्यास छोटी मदत सुद्धा मोठी वाटते |
| 91 | बैल गेला अन झोपी केला | एखादी गोष्टीचे महत्व संपल्या नंतर त्यासाठी उपाय योजना करणे व्यर्थ आहे |
| 92 | बोलण्यापेक्ष मौन श्रेष्ठ | अधिक बोलण्या पेक्षा काम करणे चांगले असते |
| 93 | राजा उदार झाला हाती भोपळा दिला | आशा असताना एखाद्या मोठ्या व्यक्तीने अपेक्षेनुसार काम न करणे |
| 94 | संन्याश्याच्या लग्नाला शेंडीपासून प्रारंभ | मुळात कमी तयारी असलेल्या व अडखळत असलेल्या कार्यात अनेक बाधा येणे |
| 95 | शेंडी तुटो की पारंबी तुटो | एखाद्या गोष्टीचे परिणाम काय राहणार याची चिंता न करणे |
| 96 | वासरात लंगडी गाय शहाणी | मूर्ख लोकांमध्ये कमी बुध्धिवान मनुष्यसुद्धा प्रसिद्ध असतो |
| 97 | दारात नाही आड म्हणे लावतो झाड | साधने नसताना एखादी गोष्ट हौस म्हणून करणे |
| 98 | दिवस मेला इथं तिथं अन रात्र झाली निजु कुठं | दिवसभर आपला वेळ वाया घालवून शेवटच्या क्षणास धावा-धाव करणे. |
| 99 | जाळा वाचून नाही कढ,माये वाचून नाही रड | ज्याने काही वाईट नाही केले त्याला भीती कसली |
| 100 | जावे त्याचा वंशा,तेव्हा कळे | एखाद्या व्यक्तीचे दु:ख त्याच्या जवळ गेल्यावर कळते |
Read More:- Vasudev Balwant Phadke Information In Marathi PDF Download। वासुदेव बळवंत फडके बद्दल सर्व माहिती
Marathi Mhani Tyanche Arth PDF
| 1 | उधारीचे पाते अन सव्वा हात रिते | उधारीने घेतलेला माल मग कमीच भरणार |
| 2 | आपल्याच पोळीवर तूप ओढून घ्यायचे | इतरांचा विचार न करता स्वार्थ साधणे |
| 3 | आंधळी पाण्याला गेली अन घागर फोडून घरी आली | अक्षम व्यक्तीस काम दिल्यास ते तडीस जाणे कठीण असते |
| 4 | देह देवळात चित्त पायतणात | एका ठिकाणी मन एकाग्र न करता ,दुसऱ्याच ठिकाणीचित्त घोटाळणे. |
| 5 | दुधात साखर पडणे | एकाचवेळी अनेक गोष्टीचा लाभ होणे |
| 6 | दुखणे हत्तीच्या पायाने येते आणि मुंगीच्या पायाने जाते | दु:ख लवकर संपत नाही. |
| 7 | दांत आहे तर चणे नाहीत, चणे आहेत तर दांत नाहीत | सर्व गोष्टी उपलब्ध असल्यातरी त्याचा उपभोग घेता न येणे. |
| 8 | तोबरयाला पुढे ,लगमला मागे | फायद्याचा वेळी पुढे पुढे ,कामाच्या वेळी मात्र मागेमागे |
| 9 | चोर सोडून संन्याश्याला फाशी | अपराधी व्यक्तीस दंड न करता निष्पाप व्यक्तीला त्रास देणे |
| 10 | ग ची बाधा झाली | फाजील आत्मविश्वास बळावणे |
| 11 | खिशात न्हाई आणा, अन ह्याला बाजीराव म्हणा | गरीब मनुष्यास कोणीही कीमत देत नाही |
| 12 | कुसंतानापेक्षा नि:संतान बरे | वाईट मुले पोटी जन्मल्यापेक्षा मुले जन्मालान आलेली चांगली |
| 13 | कुठे इंद्राचा ऐरावत कुठे शामभट्टाची तट्टाणी | माणसाची तुलना दुर्बळ माणसाशी होऊ शकत नाही |
| 14 | कवड्यांचे दान केले अन गावात नगारे वाजविले | दान छोटे करून इतर लोकांना महती सांगत फिरणे |
| 15 | करून गेला गाव अन दुसऱ्याचेच नाव | एकाने केलेल्या गुन्ह्याचा आरोप दुसऱ्यावर ठेवणे |
| 16 | ऐतखाऊ लांडग्याचा भाऊ | कष्ट न करण्याची सवय असलेला मनुष्य कुठेही आयते खायला मिळाले की डल्ला मारतात |
| 17 | उसाबरोबर एरंडाला पाणी | एखाद्या गोष्टीचा लाभ अनपेक्षितरीत्या दुसऱ्या जवळच्या गोष्टीला होतो |
| 18 | आधी करावे मग सांगावे | कार्य पूर्ण कैल्याशिवाय त्याबद्दल उगाच बोलू नये |
| 19 | आपण सुखी तर जग सुखी | आपण आनंदात असता सर्व जग सुखी वाटणे |
| 20 | दुधाची तहान ताकावर | छोट्या गोष्टीत समाधानी राहणे |
| 21 | दुःख रेड्याला न डाग पखालीला | एखाद्याच्या त्रासामुळे दुसरा चांगला व्यक्ती त्रासात पडणे. |
| 22 | दानवाच्या घरी रावण देव | जसा आपला स्वभाव तसे आपले श्रद्धास्थान बदलते. |
| 23 | कमरेचे सोडले नि डोईला बांधले | सर्व लाजलज्जा टाकून देणे |
| 24 | ओ म्हणता ठो येईना | कसलेही ज्ञान नसणे |
| 25 | ऐकावे जनाचे पण करावे मनाचे | दुसऱ्यांचे न ऐकता स्वतःचे निर्णय स्वतःघेणे |
| 26 | एका माळेचे मनी ओवायला नाही कुणी | सर्व एकसारखे असताना कोणीच काम करत नाही |
| 27 | एका कानाचे दुसऱ्या कानाला कळत नाही | अत्यंत गुप्तपणे आपले कार्य करणे |
| 28 | एकदा की नाव कानफाट्या पडले की पडलेच | लोकात एकदा की नाचक्की झाली की लोकं त्याच दृष्टीने पाहतात |
| 29 | ऋषीचे कुळ अन हरळीचे मुळ शोधू नये | ऋषी अन महान अज्ञात गोष्टींचे मुळ शोधायचा प्रयत्न करू नये |
| 30 | उडदामाजी काळे | बेरे चांगल्या गोष्टी सोबत वाईट गोष्ट असु शकते |
| 31 | आस्मान दावणे | पराजय करणे |
| 32 | आखाड्याच्या मैदानात पहिलवानाची किंमत | माणसाला योग्य ठिकाणीच किंमत मिळते |
| 33 | आज अंबरी उद्या झोळी धरी | कधी थाटामाटात तर कधी दरिद्री राहणे |
| 34 | आचार भ्रष्ट नि सदा कष्ट | अनाचाराने वागणारा माणूस सदा दु:खी असतो |
| 35 | एक कोल्हा सतरा ठिकाणी व्याला | एकाच माणसाचा भरपूर लोकाना त्रास होणे |
| 36 | एक घाव दोन तुकडे | एका फटक्यात निकाल लावणे |
| 37 | केव्हाच नाही त्यापेक्षा उशीर बरा | अशक्य गोष्ट उशीरा हाती घेतलेली बरी |
| 38 | गतं न शौच्यम | एखादी गोष्टीचे महत्व संपल्या नंतर त्यासाठी उपाय योजना करणे व्यर्थ आहे |
| 39 | घोडे खाई भाडे | एखाद्या गोष्टीवर भरमसाठ खर्च होणे |
| 40 | कोल्हयाला द्राक्षे आंबटच | न मिळणारी गोष्ट आवडत नाही असे दर्शवीणे |
| 41 | कुहाडीचा दांडा गोतास काळ | आपल्या जातभाईंचे नुकसान होणे |
| 42 | प्रयत्नांती परमेश्वर | खूप कष्ट करण्याची तयारी असली की कोणतीही गोष्ट साध्य होऊ शकते |
| 43 | प्रत्येक कुत्र्याचा दिवस असतो | प्रत्येकाचा दिवस येतो |
| 44 | पायीची वहाण पायी बरी | योग्यतेप्रमाणे वागवावे |
| 45 | नाकाचा बाल | खूप जवळची व्यक्ती |
| 46 | ध चा मा करणे | सांगताना एखाद्या मूळ गोष्टीत बदल करून आपला स्वार्थ साधणे |
| 47 | दुष्काळात तेरावा महिना | संकटात अधिक भर पडणे |
| 48 | दगडा पेक्षा वीट मऊ | छोट्या गोष्टीत समाधानी राहणे |
| 49 | चोराच्या वाटा चोरालाच माहीत | वाईट कृत्य करणाऱ्या व्यक्तीस त्याचे मार्ग व स्त्रोत माहिती असतात |
| 50 | खाल्ल्या घराचे वासे मोजणे | ज्या घरात राहतो त्याच घराशी बेईमानी करणे |
| 51 | कोल्हा काकडीला राजी | लहान माणसे थोड्या गोष्टीने संतुष्ट होतात |
| 52 | कर्कशेला कलह तर पद्मिनीला प्रीती गोड | दुष्ट स्त्रीला भांडणे आवडतात तर गुणवतीला प्रेम आवडते |
| 53 | कर नाही त्याला डर कशाला | दोषी नसताना कसलेही भय राहत नाही |
| 54 | करायला गेले गणपती अन झाला मारुती | जे करायचे ते नित समजून करावे नाही तर भलतेच घडते |
| 55 | एका पुताची माय वळचणीखाली जीव जाय | एक मुलगा पोटी असून सुद्धा तोआईला सुखाने जगू देत नाही |
| 56 | एका कानाने एकवे दुसऱ्या कानाने सोडून द्यावे | ऐकलेल्या सगळ्याच गोष्टींचा विचार करणे व्यर्थ आहे |
| 57 | उधार तेल खावत निघाले | उधारीच्या मालत काही न काही दोष असतो |
| 58 | उकराल माती तर पिकतील मोती | शेतीची चांगली मशागत तर पिके चांगली येतात |
| 59 | एका माळेचे मनी | सर्वजण येथून तेथून सारखे |
| 60 | एरंडाचे गुर्हाळ | एखादी गोष्ट लांबलचक व कंटाळवाणी असणे |
| 61 | ठेवीले अनंते तैसेची राहावे | जी परिस्थिती आहे त्यात समाधान मानावे |
| 62 | देवाची करणी अन नारळात पाणी | नैसर्गिक गोष्टींना तोड नसते |
| 63 | दाणा दाणा टिपतो पक्षी पोट भरतो | कष्टकरी आपले पोट अत्यंत जिकिरीने भरतो |
| 64 | ताकास जाऊन लोटा लपवणे | एखादी गोष्ट इच्छा नसतांना लपविणे |
| 65 | गरिबान खपाव ,धनिकान चाखाव | जीवावर कोणीही बलाढ्य दुबळ्या माणसाच्या आपला फायदा करून घेतो |
| 66 | शुद्ध नाही मन तया काय करी साबण | मनात कुविचार असता चांगले विचार ऐकणे व्यर्थ आहे |
| 67 | मनी वसे ते स्वप्नी | आपण ज्या गोष्टीचा सदैव विचार करतो तीच गोष्ट आपल्याला आसपास दिसते (आभास होतो) |
| 68 | बाबाही गेला दशम्या गेल्या | एकाच दोन वेगवेगळ्या गोष्टींवर लक्ष केंद्रित केल्यावर दोन्ही गोष्टींचा लाभ न होणे |
Read More:- Swatantra Veer Savarkar Information In Marathi PDF Download – स्वातंत्र्यवीर सावरकर यांची सविस्तर माहिती
Marathi Mhani PDF Download
Marathi Mhani With Meaning PDF Download :- बहुतेक स्पर्धा परीक्षेचा अभ्यास करताना म्हणी आणि म्हणी चा अर्थ पीडीएफ मध्ये डाउनलोड करू शकतात. खालील डाउनलोड बटन वर क्लिक करून डाउनलोड करू शकतात.
Conclusion Of Marathi Mhani
Conclusion :- ह्या पोस्ट मध्ये तुम्हाला 700+ मराठी म्हणी आणि त्या म्हणी च्या अर्थ हा पीडीएफ मध्ये उपलब्ध करून देत आहोत. आपण ह्या पोस्ट मध्ये marathi mhani v tyanche arth, marathi mhani pdf, marathi mhani ani arth, Best Marathi Mhani List हे सगळे बघितले आहेत. आधुनिक म्हणी, गावरान, मराठी, मराठी जुन्या म्हणी, आणि वाक्प्रचार, ऐतिहासिक म्हणी, मराठी विनोदी म्हणी, मराठी म्हणींचा ह्या सर्व म्हणी आम्ही दिल्या आहेत.
Frequently Asked Question Marathi Mhani
Q1. मराठी म्हणी व वाक्प्रचार
Ans:- 1) देवाची करणी अन नारळात पाणी – नैसर्गिक गोष्टींना तोड नसते
2) दुष्काळात तेरावा महिना – संकटात अधिक भर पडणे
Q2. ऐतिहासिक मराठी म्हणी
Ans:- 1) हातच्या कंकणाला आरसा कशाला – उघड सत्य हे केव्हाही खरे करता येऊ शकते.
2) सुंठेवाचून खोकला गेला – परस्पर संकट टळले
Q3. म्हणी म्हणजे काय इन मराठी?
Ans:-म्हणी म्हणजे काय तर सत्य परिस्तिथी कथन करण्यासाठी वापरलेलं मार्मिक वाक्य जे वारंवार वापरले जाऊ शकते .
